Search from various English teachers...
Profile
Learning
English
Language Skills
GalicianNative
Lesson Feedback
Lesson history
 Last monthLast 3 monthsAll time
Completed lessons0012
Attendance rate100%100%100%
Teacher reviews
No record
Activities
  • Corrected

    Impresións

    Pasou xa bastante tempo desde que escribín a miña última entrada en italki porque estiven moi ocupada, mais como agora me peta e teño tempo, pois, velaquí unha nova redacción miña.
    A finais de agosto cheguei a Galicia, a Vigo máis concretamente. Estivera aquí xa o ano pasado, só algúns días para coñecer un pouco a zona e falar galego. Esta vez, porén, é distinto. Vou quedar ata verán, durante todo o curso académico, xa que agora eu tamén pertenzo ao grupo "ilustre" ese de estudantes de Erasmus. O cliché que moita xente ten dos estudantes de Erasmus pódese explicar con poucas palabras: son unha banda de festeiros que van a outro país pasando os seus días andando de esmorga, sen estudar nada e relacionándose exclusivamente entre si. Non creo que sexa somente un cliché - en moitos casos é verdade.
    Eu sempre sabía que non quería entrar nesa "burbulla" Erasmus e así é como estou a manexar a miña estancia. Non coñezo moitos Erasmus e apenas asisto a eventos organizados para eles (que con frecuencia queren dicir, como xa dixen, andar de esmorga). Pois, que cada un faga o que queira, mais para min non é algo que me apeteza moitísimo. Prefiro coñecer xente local, aínda que non sempre é doado. Amais, coa realidade lingüística coa que nos afrontamos, é aínda máis difícil atopar persoas coas que falar galego, un feito que me resulta bastante frustrante. Eu estou en Galicia para practicar galego; se me interesase practicar unicamente o castelán, tería ido a unha rexión monolingüe.
    No entanto, polo menos na uni escóitase máis galego ca en Vigo cidade, e a maioría das miñas materias tamén son en galego. Así que supoño que aínda así vou mellorando, iso é o que lle digo á miña profe de galego de Alemaña ao contestar o meu mail.

    Graciñas polas vosas correccións e un saúdo.
    0 voted
    October 26, 2018
    0