آڑھی ترچھی لکیریں پتا دیتی ہیں اک گمنام راہ کا ایک بے نشان منزل کا ہاں مگر امید کا دیا کہ ابھی بجھا نہیں ہے دراصل میں اور وہ یعنی ہم ایک دوسرے کو بڑی مدت سے جانتے ہیں اور اس مدت میں زندگی کے کئی اتار چڑھاؤ آئے اور میں ہمیشہ ان کے ساتھ گھٹتے بڑھتے سائے کی طرح چپکا رہا ( بلکہ غالب گمان ہےکہ تقدیر نے ہمیں باہم نتھی کر دیا) بقول فراز صاحب ، یہ محبت نہیں ہے بس کسی کو دیکھنے اور سوچنے کی عادت سی ہو گئی ہے اور یعی کچھ ہماری عادت ثانوی ہے کہ جب تک ان کو نہ سوچے دن نہیں کٹتا سوچتا ہوں کوئی تو خوش قسمت ہے کہ ہم یا کوئی اُن کو ٹوٹ کر چاہتا ہے اور ایک ہم ہیں کے قربت کی تمنا کی آگ میں جل رہے ہیں آج سمجھ آئی کہ کسی کا محبوب ہونا کتنی بڑی خوشی نصیبی ہے

نائی کی دکان ـــــــــــــــــــــ مجھے بارہا نائی کے ہاں جانے کا شرف حاصل ہوا ، ہوا کیا ہوتا رہتا ہے نائی بنا بنتی نہیں ، لیکن ایک بات جس سے مجھے ہمیشہ سے کوفت رہی ہے وہ ہے نائی کا دکان پر انتظار کرنا اور دوران انتطار دو دن کا باسی اخبار اور فرسودہ لطیفوں کے سوا سننے کو کچھ نہیں ملتا نہ جانے نائی کی قسمت اتنی اچھی ہے کہ ہم وقت مصروف رہتا ہے یا ہم جاتے ہی اس وقت ہیں جب نائی کی دکان میں رش لگا ہوتا ہے یا نائی جان بوجھ کو ہمیں انتظار کرواتا ہے کہ یہ قدرا کراونے کا نسبتا سستا طریقہ ہے مجھے تو موخرالذکر زیادہ صحیح لگتا ہے

سوچنے کی بات _______ گھر سے کام کرتے ہوئے صبح خیزی کی عادت سے ہو گئی ہے ، کچھ عرصے بعد خود کو ادھیڑ عمرلوگوں جیسا پایا کہ کچھ کرنا ہو یا نہ صبح 5 بجے اُٹھ بیٹھتے ہیں لیکن پھر سوچا بھلا ہم سوتے کب ہیں؟ کسی بگڑے ہوئے صاحب زادے کی طرح رات کے پچھلے پہر میی ، آپ تم وہ یہ اور ہم سب کہاں کھڑے ہیں