鄉下人講土話 汝一開始要吾揀講得來箇閒話箇辰光，吾有nɛ想勾上海閒話，因爲我g-lɔ̃箇閒話kʰ上海閒話蠻像箇。畢過，晚來想想，我到底鄉下人，瞎攀親眷要畀人家to落箇，還是算哩。我g-lɔ̃拿自家箇閒話叫土話，大概是本地閒話箇意思。早裏有專家講，蘇南上海浙江箇閒話全是吳語，畢過箇隻概念多數人，要嚜弗曉得，要嚜弗承認，故也吾也覺着無倽意思。我箇土話壓末來仍要斷脫箇，弗像其lɐʔ洋氣上檔次箇滬語，好跟牢時代，吸收國語、江北閒話同英語，弗斷改變，與時俱進，老卵來弗得了。 故也，吾仍是勾選“其他方言”，因爲吾儂心裏清爽，矮脚狗養弗出長模子。